রবিবার, ০৮ জুন ২০২৫, ০৯:৩৯ অপরাহ্ন
আল্যেঙর সমায্যে বেবেই দয়া’র মনর উদিজে লেগা এক্কু কবিদ্যে
ম মনত হোন সুগ ন’লাগে
সুগে নেই বিধায়,ম জাদর মা-বোনুন।
মুই হেনে সুগে থেম; তুমি হনা?
অত্যাচার, নিপীড়ন ছাড়া হি কাধি যাদন
আমা জুম্মোজাদর দিনুন?
হিলো বুগোত অথবা বাঙাল দেজত
শুনিলে ম বোন উয়ে বেইজ্জত,
থেঙহ্ লো মাধাত উদি
গিরগিরায় মনঃ রিবেঙত।
যে পদত আদঙ মুই,
আদি চ’গিয় ও বোন তুমিও
এ পদ্ বাদে বাঝিবার হোন পদ নেই আর
তেরঙ পদ অলেও।
আজার আজার মা-বোনর
মেইয়ে, হোচপানা আ লগে লবিয়ত
অজল মৌন মুড়ো;তারুম ঝার,মিদে বোয়েরত
গীদ গাঙ মুই নৌ বেল ঊদিব আঝায়
আমা দোল এই হিল চাদিগাঙ্ বুগোত।
সুগে নেই মুই! সুগ ন’লাগে এ মনত
সুগে নেই মুই! সুগ ন’ফুদে এ বুগোত।
হবিতে লিক্কে শুভ চাঙমা।
